一坐低職員就已經介紹，慶祝銅鑼灣新店開幕，會有期間限定，LV3 會送DIY和牛壽喜燒一份😀 同埋職員介紹可以試玩埋Guu•燒肉可頌🥐，可以用自己創意 DIY 喜歡嘅餡料喺牛角包入邊🤟🏻 我自己就放咗澳洲和牛肉眼芯、生菜、醬汁，一啖咬落去非常Juice😝
職員介紹完一輪，就已經攞咗一盤梯級牛肉過嚟，呢一盤已經包括曬我哋套餐大部份嘅牛肉，有埋牌仔話你聽你食緊啲乜嘢，如果啱嘅話可以再order第二份！
職員好快手就上埋壽喜燒，雖然話就系DIY，但系全程翹埋雙手就可以食，職員會用佢嘅經驗同你煮到啱啱好，咁就唔怕嘥咗啲靚牛肉！
食咗好多款牛肉，其中最有印象就系呢幾款，嚴選牛肩里肌肉、特選牛小排、澳洲和牛-上級牛胸肉、澳洲和牛肉眼芯（醬醃） ，全部油脂分布均勻，而且各有特色。
印象最深刻一定系，煙薰壺漬封門柳（醬油味）！佢會擺成卷放落小砵內，上碟已經好靚，餐廳毫不吝嗇，封門柳拉起後，足足有一把間尺咁長，職員仲非常helpful地幫手燒，佢哋經驗好足夠，燒得好過自己燒多多聲😆燒完仲會同你剪埋放上碟👍
個餐仲包咗海鮮，因為啲牛肉實在太好味，海鮮變得食得唔多，一開始除咗上牛肉之外，佢仲會俾咗一盤時令海鮮，最靚系啲鮑魚，就算燒完都冇縮水，唔使落任何嘅鹽或者調味料，已經食得出鮮味！
飲品方面非常之多選擇👍 仲有得揀日本啤酒，飲飽食醉之後食埋個燒香蕉朱古力棉花糖，作為ending真系唔錯！
✱ 佐賀燒肉谷 (希慎廣場)
地址: 銅鑼灣軒尼詩道500號希慎廣場14樓1403-1405號鋪
【喜歡這篇文章的朋友，記得 Comment、Like、Share 我的博客！】
*****
Mother Christine
教煮 / 飲食 / 旅遊 / 扮靚 / 購物
IG: mother_christine
EMAIL: motherchristine517@gmail.com
留言
發佈留言